Kryetarja e Forumit të Gruas në Partinë Socialiste Etilda Gjonaj ka folur në Kongresin e PS lidhur me arritjet dhe sfidat e kësaj force politike si dhe përparimin që po bëhet në çdo organizatë apo bashki të vendit.
Në fjalën e saj, deputetja ndau edhe vizionin për të cilin po punohet.
Ajo tha se “Gjatë kësaj periudhe sëbashku me gratë dhe vajzat anëtare dhe mbështetëse kemi zhvilluar në të gjitha Qarqet e Shqipërisë takime për të ndarë vizionin e Partisë Socialiste si dhe për të ideuar bashkarisht prioritetet dhe objektivat e strategjisë së re për gruan në Partinë socialiste për rivitalizimin dhe forcimin më tej të strukturës së gruas. Ashtu sic kemi bërë të mundur përfaqësimin e strukturës së gruas në rrjetet ndërmbëtare të partive simotra si Partitë europiane socialiste ashtu dhe në rrjete rajonale”, u shpreh ish ministrja e Drejtësisë teksa shtoi se:
“Gjatë kësaj periudhe kemi punuar për strategjinë 4 vjecare për strukturën e gruas së Partisë socialiste me objektiva të qartë dhe konkret, document I cili do të do të konsultohet në muajt në vijim me të gjitha strukturat e grave në 61 bashkitë për t’a prezantuar shumë shpejt në një event publik. Kemi punuar fort për të patur mbështetjen e organizatave ndërkombëtarë që mbështesin partitë si motra në Europë të cilat do të vijojnë të na japin mbështetjen e tyre për të realizuar objektivat tona në 4 vitet e ardhshme dhe për këtë më lejoni të jap një falenderim të vecantë organizatës gjermane Fridriech Ebert Stiftung që besuan dhe e konkretizuan mbështetjen e tyre”, tha Gjonaj.
Fjala e plotë
Të nderuar pjesëmarrës,
Po e nis fjalën time me një falenderim për çdo grua dhe vajzë anëtare, mbështetëse, simpatizante që ka punuar ndër vite për arritjen e rezultateve të Partisë Socialiste.
Numri i grave në Partinë Socialiste sot është më shumë se dje! Rreth një dekadë më parë, vetëm 15% e Kuvendit të Shqipërisë dhe vetëm 6% e Qeverisë ishin gra. Ndërsa sot Shqipëria renditet ndër vendet e para në botë me numrin më të lartë të grave në qeveri ashtu si dhe me një numër më të lartë të grave në Kuvendin e Shqipërisë të krahasuar me legjislaturat e mëparshme.
Cdo vajzë dhe grua në Shqipëri sot ndihet më e përfaqësuar dhe kjo falë vizionit të Partisë socialiste si mazhorancë qeverisëse në rritjen e kontributit të grave në politike jo vetëm në shifra por edhe në një politikë më të drejtë, sensitive ndaj barazisë gjinore, në shërbim të qytetarëve dhe mbi të gjitha për një Shqipëri më të mirë për të ardhmen e fëmijëve tanë.
Shpreh mirënjohjen time ndaj strukturave të Partisë socialiste dhe kryetarit të Partisë Edi Rama për besimin që më është dhënë në drejtimin e strukturës së gruas në Partinë Socialiste ku sëbashku do të vijojmë sfidën për të mbështetur dhe nxitur sa më shumë gra për tu bërë pjesë e jona.
Duke kujtuar muajin shkurt 2020, ku hapëm për herë të parë një kongres me vajzat dhe gratë, në kuadër të projektit “Edhe një” të nisur dhe drejtuar më herët nga Lindita, gjej rastin të falenderojmë çdo shoqe që bëri pjesë të familjes tonë socialiste edhe një vajzë apo një grua tjetër.
Gjatë kësaj periudhe kemi punuar për strategjinë 4 vjecare për strukturën e gruas së Partisë socialiste me objektiva të qartë dhe konkret, document I cili do të do të konsultohet në muajt në vijim me të gjitha strukturat e grave në 61 bashkitë për t’a prezantuar shumë shpejt në një event publik.
Kemi punuar fort për të patur mbështetjen e organizatave ndërkombëtarë që mbështesin partitë si motra në Europë të cilat do të vijojnë të na japin mbështetjen e tyre për të realizuar objektivat tona në 4 vitet e ardhshme dhe për këtë më lejoni të jap një falenderim të vecantë organizatës gjermane Fridriech Ebert Stiftung që besuan dhe e konkretizuan mbështetjen e tyre.
Faktet dëshmojnë se demokracitë janë më të forta kur gratë përfshihen si të barabarta dhe vetëm kështu do të mund të marrim vendimet e duhura dhe maksimizojmë suksesin. Sot nuk jemi pak por rreth 30% anëtare gra të Partisë Socialiste. Por pavarësisht kësaj, ne jemi të vetëdijshme që kemi më shumë kapacitete për të forcuar dhe hapur strukturat e grave me anëtare të reja duke ftuar dhe mirëpritur cdo grua për të qënë pjesë e partisë socialiste.
Kemi nisur punën për ngritjen e rrjetit të grave profesioniste, të cilat edhe pse jo drejtpërdrejt të angazhuara, do të kenë mundësi të kontribuojnë me eksperiencën e tyre profesionale si një formë e re për të patur arritje jo vetëm në numra por edhe në iniciativa për ndjekjen e kauzave të ndryshme sociale, për familjen duke e konsideruar partinë socialiste si një forum të hapur për të gjithë.
Në vijim të punës së nisur gjatë këtyre pak muajve, do të vijojmë me një agjendë takimesh të strukturave të grave në cdo Bashki të vendit, për të qenë sa më pranë tyre duke mirëpritur cdo shoqe, simpatizante, kontribuese që do të bëhet pjesë e familjes tonë politike.
Do të punojmë për ngritjen e programeve të shkëmbimit me gratë politikane të partive simotra në Europë dhe në rajon për të mbështetur fuqimisht gratë e angazhuara në partinë socialiste.
Do të vijojmë të rrisim përfaqësimin e strukturës së grave të Partisë Socialiste në rrjetet ndërkombëtare dhe ato rajonale, pasi besojmë se shkëmbimi i ideve dhe përvojave përtej kufijve është një nga mënyrat më efektive për përshpejtimin e zhvillimit.
Duke punuar së bashku me familjen tonë të madhe socialiste mund të bëjmë përparim të vërtetë për një Shqipëri Europiane.
Sado të ndryshëm të dukemi, ka shumë më tepër që na bashkon sesa na ndan. NE ndajmë një të ardhme të përbashkët atë të Partisë Socialiste për përfaqësimin, rritjen e dinjitetit dhe respektit për gratë dhe vajzat në të gjithë Shqipërinë.
Duke ju falenderuar për vëmëndjen ju uroj punime të mbara të këtij kongresi ,
Ju faleminderit!
