Lulzim Basha ka reaguar pas akuzave të aktivistes Evi Kokalari lidhur me raportet që ai ka me Shtetet e Bashkuara dhe mohimin e vizës amerikane.
Përmes një deklarate të PD, Basha thotë se Kokalari guxoi ta sulmojë si kryeministri Edi Rama dhe deputeti i PS Taulant Balla.
DEKLARATË E PARTISË DEMOKRATIKE
Një spekulante politike, Evi Kokalari, guxoi sot të përsëriste përpara shqiptarëve shpifjet e Edi Ramës dhe Taulant Ballës ndaj Kryetarit të Partisë Demokratike z. Lulzim Basha . Autoritetet përgjegjëse me kërkesë të vetë Partisë Demokratike hetuan për 2 vite lidhur me shpifjen e Edi Ramës dhe Taulant Ballës, duke provuar në mënyrë ligjore dhe përfundimtare se ato ishin vetëm shpifje.
Ricikimi i të njëjtave shpifje, bëhet për të njëjtin qëllim, atë të mbajtjes në këmbë të regjimit kriminal të Edi Ramës.
Për këtë arsye, Partia Demokratike do të padisë nesër penalisht për shpifje znj. Evi Kokalari, e cila mund të paraqitet në gjykatë për të provuar akuzat e rreme me dëshmitarët e saj të rremë Edi Ramën dhe Taulant Ballën.