Pandemia ka ngrirë udhëtimet nëpër botë e siç ndodh zakonisht, njerëzit priren ta duan diçka më shumë atëherë kur e kanë.
Dëshira për të udhëtuar është më e madhe se asnjëherë.
Nga ana tjetër, çdo ditë e më shumë po e kuptojmë se natyra është e rëndësishme, se një park afër shtëpisë apo dhe kudo ku udhëtojmë, na ndihmon të jetojmë më gjatë, më të shëndetshme dhe më të lumtur.
“Parqet e qytetit nuk kanë qenë kurrë më të rëndësishme për të lehtësuar stresin dhe ankthin, për të përmirësuar shëndetin tonë fizik dhe për t’u lidhur me natyrën dhe njëri-tjetrin,” thotë Diane Regas, presidentja e “Fondi për Hapësirat Publike” në Amerikë.
Aktiviteti në natyrë dhe ajri i freskët kontribuojnë në shëndetin fizik dhe emocional kështu që, sapo të zhduket pandemia dhe të kemi mundësi të udhëtojmë përsëri, shikoni disa nga parqet më të bukura në Amerikë që mund të vizitoni.
PARKU BELLE ISLE
Ishulli 982 hektarë në lumin e Detroit është park i qytetit dhe park shtetëror i Miçiganit që ndodhet në kufirin ndërkombëtar të ujit me Kanadanë. Aty ndodhet Muzeu i madh liqeneve Dossin që përfshin artikujt detarë si përshembull, spirancën e Edmund Fitzgerald.
“Giand Slide” me gjashtë korsi në Belle Isle, e cila u ndërtua në vitin 1967 dhe u rinovua në vitin 2015, mrekullon fëmijë të të gjitha moshave.
PARKU FALLS
Karolina e Jugut është vendi i festivalit vjetor të Shekspirit dhe garës prej 22-kilometrash me biçikleta. Por kënaqësia e vërtetë është pedonalja prej 345 metrash e Urës së Lirisë. Është e ndërtuar në një mënyrë të tillë që të lejon të shohësh çdo gjë dhe natën ka drita ngjyrë vjollcë që shkëlqejnë gjithë parkun.
PARKU RIVERFRONT
I ndërtuar për Panairin botëror në 1974, parku prej 100 hektarësh përgjatë lumit Spokane të Uashingtonit është më i preferuari nga turistët e asaj zone. Kur e eksploron zbulon një dhi që ha mbeturina, një skulpturë metalike që thith plehrat me vakum dhe një kamionçinë shumë të gjatë me një dorezë që shërben si rrëshqitje. Pa folur pastaj për darkat ku dritat bijnë në lumë dhe mund ta merrni me mend atmosferën që krijohet aty.
PARKU MERIDIAN HILL
Në këtë oaz në Uashington, shatërvani prej 13 shkallësh të mëdha është sigurisht piktoresk. Por muzika të dielën pasdite dhe daullet, janë zemra e parkut që nga shkurti i vitit 1965. Bateristët u mblodhën atëherë për të nderuar aktivistin e të drejtave civile, Malcolm X dhe më shumë se 40 vjet më vonë ka një përzierje kërcimtarësh, akrobatësh dhe interpretuesish të tjerë që bëjnë një mozaik të gjithëpërfshirjes dhe pozitivitetit. Shumë vendas i referohen vendit si Parku i Malcolm X.
PARKU WHITE RIVER
Ky park është një Venecia e vogël. Ka gondola që përdoren për të shëtitur turistët rreth qytetit Indianapolis, Indiana. Punonjësit janë të gjithë të trajnuar dhe është vendi perfekt për të shijuar Venecian edhe pse je në Amerikë.
PARKU RED ROCKS, AMFITEATËR
I konsideruar si park i qytetit Denver, Kolorado (megjithëse 30 minuta larg), amfiteatri në natyrë dhe 640 hektarë park përreth janë emëruar si padyshim të mrekullueshëm.
Në 1964 Beatles u bë grupi i parë rock që performoi këtu, dhe pasuan shumë koncerte të tjera nga emra po aq të njohur.
Edhe pa asnjë shfaqje, Red Rocks është një shesh lojrash i denjë për tu quajtur i tillë falë miljeve të shtigjeve për hiking dhe pafund lojra të tjera.
PARKU I NEW ORLEANS
Ky park prej 1300 hektarësh është një nga më të vjetrit që daton që nga 1854. Ka aktivitete pafund për fëmijët, ka vende të vjetra të pa restauruara si dhe muze arti.
Pjesë të ndryshme të tij bëjnë një sfond të bukur për fotot e dasmave , por një surprizë e këndshme është lisi që këndon.
Vizitorët ka të ngjarë ta dëgjojnë përpara se ta shohin këtë vepër arti nga Jim Hart, i cili përdori shtratin e një peme njëqind vjeçare për të instaluar materiale që bëjnë që nga lisi të dalë zhurma e erës.
PARKU PAPPAJOHN
Një hapësirë e madhe ku ka pafund vepra nga artistë të famshëm. Midis tyre është “Nomade” nga skulptori spanjoll Jaume Plensa, një skulpturë në formën e njeriut. Vizitorët gjithashtu do të shohin dy bustet nga artisti zviceran Ugo Rondinone, “Moonrise”.
PARKU I ARTIT, BARNSDALL
Gjatë ecjes nëpër lagjet e Los Anxhelos ky park i vogël tërheq vemendjen e turmave. Ky park ka të vetmen shtëpi të hapur për vizitorën nga shtatë veprat arkitekturore nga arkitekti i famshëm, Frank Lloyd Wright. Në vitin 2019 shtatë ndërtesat e projektuara nga Wright u shtuan në listën e trashëgimisë botërore të UNESCO-s.
PARKU JULIA DAVIS
Parku më i vjetër i Idahos ofron cepa reflektimi, të tilla si “Richard dhe Annette Bloch Cancer Survivor Plaza”, duke shfaqur 14 pllaka inspiruese përgjatë shëtitjes.
Vizitorët mund të bëjnë një shëtitje paqësore përgjatë pellgut, të vizitojnë kopshtin me trëndafila dhe të shikojnë një skulpturë të titulluar “Vallja e erës”, nga artisti Mark Baltes.