Deputetja e Qarkut te Dibres, Dhurata Çupi akuzoi qeverinë se e hapi Rrugën e Arbrit vetëm për propaganda pasi ajo nuk ka mbaruar
“Nxitimi për të shpallur, në ditën e ndarjes së shqiptarëve, hapjen e Rrugës së Arbrit, kur rruga akoma nuk ka mbaruar sipas kontratës, është, më e pakta, tallje me dibranët. Dështimi i qeverisë për të mbajtur premtimin e përfundimit të rrugës në prill dhe dështimi i premtimit për ta përfunduar rrugën në fund të këtij viti nuk mund të mbulohet nga propaganda e qeverisë.E vërteta është se rruga që na ka kushtuar 400 miliardë lekë është e papërfunduar dhe hapja e sotme është propagandistike”, shprehet Dhurata Çupi.
Ajo shton se Qeveria duhet të tregoje nësë tarifa për kalimin në këtë aks të rëndësishëm do të jetë apo jo 8 euro.
“Në vend të mashtrimeve, qeveria duhet t’u thotë dibranëvë dhe shqiptarëve a do të paguajnë ata deri në 8 euro për një udhëtim vajtje-ardhje në Rrugën e Arbrit, kur rruga të përfundojë sipas kontratës?!”, nënvizon Çupi.
November 29, 2021
“Do paguhet 8 euro për të kaluar”, deputetja e PD Dhurata Çupi: Hapja para kohe e Rrugës së Arbrit tallje me dibranët
by gazetadrita