Babai i gjyqtares së arrestuar, Enkeleda Hoxha, ka dhënë një deklaratë ku ka thënë se vajza e tij është kërcënuar sepse kishte lënë në burg djalin e deputetit.
I ati, duke u përlotur, është shprehur se vajza e tij ishte kërcënuar për të dhënë vendime për disa “bosa të krimit”. Ndër të tjera ai ka përmendur edhe kryeministrin Rama.
“Ajo nuk ka bërë asnjë veprim me qëllime të atilla siç flet kryeministri. Kryeministri i tha gjyqtares s’ke për ta marrë vettingun, Pse?
La në burg atë vajzën që dhunohej nga ai djali i deputetit. Vajti shoqja e saj dhe e liroi, tani kjo shoqja e vajzës për çudinë e të gjithëve ka vajtur këshilltare në Gjykatën e Lartë. Si ka mundësi more? Jo kaq hapur…O kryeministër mos u merr me të tillë njerëz që janë qelibar dhe nuk janë ashtu siç mendon ti!
Pres që e vërteta të dalë siç është, 9 mijë dollarë që i janë gjetur janë për firmën e ndërtimit, unë jam i sëmurë me parkinson, djali gjithashtu (i Enkeledes). Pasqyroni ashtu siç duhet realitetin”, tha Hoxha.